سورة يس - آیت 26

قِيلَ ادْخُلِ الْجَنَّةَ ۖ قَالَ يَا لَيْتَ قَوْمِي يَعْلَمُونَ

ترجمہ ترجمان القرآن - مولانا ابوالکلام آزاد

) (آخرکار ان لوگوں نے اسے شہید کردیا) پس بشارت ملی کہ جنت طیبہ میں داخل ہوجاؤ اس وقت اس نے کہا، کاش میری قوم جانتی

تفسیر اشرف الہواشی - محمد عبدہ لفلاح

ف 6 یعنی شہادت واقع ہوتے ہی اسے اللہ تعالیٰ کی طرف سے جنت میں داخل ہونے کی اجازت دے دی گئی جیسا کہ احادیث سے ثابت ہے کہ شہدا کی روحیں سبز پرندوں کی شکل میں جنت کے اندر جہاں اور جیسے چاہتی ہیں اڑتی پھرتی ہیں۔ ( دیکھئے بقرہ ( آیت 154)