سورة فاطر - آیت 24

إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِن مِّنْ أُمَّةٍ إِلَّا خَلَا فِيهَا نَذِيرٌ

ترجمہ ترجمان القرآن - مولانا ابوالکلام آزاد

یقینا ہم ہی نے آپ کو حق دے کر بشارت دینے والا اور ڈرانے والا بناکر بھیجا ہے اور کوئی قوم دنیا کی ایسی نہیں جس میں (بدعملیوں کے نتائج سے) متنبہ کرنے والا کوئی رسول نہ گزرا ہوا

تفسیر اشرف الہواشی - محمد عبدہ لفلاح

ف 11 یعنی اطاعت گزاروں کو جنت کی خوشخبری دینے والا اور نافرمانوں کو خدا کے عذاب سے ڈرانے والا۔ ف 12 ڈرانے والا، خواہ نبی ہو، خواہ جو نبی کی راہ پر ہو۔ اس آیت سے معلوم ہوا کہ ہر قوم اور ہر ملك میں ڈر سنانےوالے ہو گزرے ہیں۔ ( دیکھئے سورۃ رعد آیت 7 سورۃ نحل : 36)