سورة الروم - آیت 55

وَيَوْمَ تَقُومُ السَّاعَةُ يُقْسِمُ الْمُجْرِمُونَ مَا لَبِثُوا غَيْرَ سَاعَةٍ ۚ كَذَٰلِكَ كَانُوا يُؤْفَكُونَ

ترجمہ ترجمان القرآن - مولانا ابوالکلام آزاد

اور جس دن قیامت قائم ہوگی تو مجرم قسمین کھاکھا کر کہیں گے کہ وہ (دنیا میں) ایک گھڑی سے زیادہ نہیں رہے، اسی طرح وہ دنیا کی زندگی میں حق سے پھرے ہوئے تھے (١٤)۔

تفسیر اشرف الہواشی - محمد عبدہ لفلاح

ف 2 یا اپنی برزخی زندگی میں ایک گھڑی سے زیادہ نہیں ٹھہرے۔ قیامت کے دن کی ہولناکیوں اور عذاب جہنم کے سامنے دیکھ کر یہ احساس پیدا ہوگا ،ہوسکتا ہے کہ قیامت سے پہلے کچھ وقفہ ہوجی اٹھنے کے بعد ایک ساعت محسوس ہو۔ ف 3 یعنی وہاں بھی یہ اسی طرح کے غلط اندازے لگایا کرتے تھے۔ چنانچہ جھوٹی قسمیں کھا کھا کر کہا کرتے تھے کہ مرنے کے بعد بس فنا ہوجانا ہے کوئی آخرت واخرت آنے والی نہیں ہے جس کے لئے کوئی تیاری کی جائے۔