سورة آل عمران - آیت 8

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ

ترجمہ ترجمان القرآن - مولانا ابوالکلام آزاد

(ان ارباب عقل و بصیرت کی صدائے حال ہمیشہ یہ ہوتی ہے کہ) خدایا ! ہمیں سیدھے رستے لگا دینے کے بعد ہمارے دلوں کو ڈانوا ڈول نہ کر، اور ہمیں اپنے پاس سے رحمت عطا فرما ! یقینا تو ہی ہے کہ بخشش میں تجھ سے بڑا کوئی نہیں

تفسیر اشرف الہواشی - محمد عبدہ لفلاح

ف 3 یہ وہ دعا ہے جو علم میں راسخ حضرات اللہ کے حضور کرتے رہتے ہیں۔ حضرت ام سلمہ (رض) سے روایت ہے کہ نبی (ﷺ) یہ دعا فرمایا کرتے تھے۔( يَا ‌مُقَلِّبَ ‌الْقُلُوبِ ثَبِّتْ قَلْبِي عَلَى دِينِكَ)(اے اللہ میرے دل کو اپنے دین پر ثابت رکھ )، پھر آپ (ﷺ) نے یہ آیت تلاوت فرمائی۔ (ابن جریر )