سورة المؤمنون - آیت 88

قُلْ مَن بِيَدِهِ مَلَكُوتُ كُلِّ شَيْءٍ وَهُوَ يُجِيرُ وَلَا يُجَارُ عَلَيْهِ إِن كُنتُمْ تَعْلَمُونَ

ترجمہ ترجمان القرآن - مولانا ابوالکلام آزاد

تو ان سے پوچھ اگر تم جانتے ہو تو بتلا وہ کون ہے جس کے قبضہ میں تمام چیزوں کی بادشاہی ہے؟ اور وہ سب کو پناہ دیتا ہے اور کوئی نہیں جو اس سے اوپر پناہ دینے والا ہو؟

تفسیر اشرف الہواشی - محمد عبدہ لفلاح

ف2۔ یعنی کون ہر چیز پر کامل اقتدار رکھتا ہے۔ ” مَلَكُوتُ“ کے لفظی معنی ملک (بادشاہی) کے ہیں اور” ت“ کا اضافہ مبالغہ کے لئے ہے۔ (شوکانی) ف 3۔ یعنی ہر ایک کو بچا سکتا اور پناہ دے سکتا ہے۔