سورة الحج - آیت 45

فَكَأَيِّن مِّن قَرْيَةٍ أَهْلَكْنَاهَا وَهِيَ ظَالِمَةٌ فَهِيَ خَاوِيَةٌ عَلَىٰ عُرُوشِهَا وَبِئْرٍ مُّعَطَّلَةٍ وَقَصْرٍ مَّشِيدٍ

ترجمہ ترجمان القرآن - مولانا ابوالکلام آزاد

پھر دیکھو، کتنی ہی بستیاں ہیں کہ ہم نے انہیں ہلاک کردیا اور وہ ظلم کرنے والی تھیں، وہ ایسی اجڑیں کہ اپنی چھتوں پر گر کے رہ گئیں، کنویں ناکارہ ہوگئے، سربہ فلک محل کھنڈر بن گئے۔

تفسیر اشرف الہواشی - محمد عبدہ لفلاح

ف9۔ یعنی ڈھے چکی ہیں اور اجاڑ پڑی ہیں۔ ف10۔ کوئی ان سے پانی نکالنے والا اور پینے والا نہیں رہا۔ ف 11۔ کوئی ان کی دیکھ بھال کرنے والا نہیں رہا۔ آیت میں ان کی کامل تباہی کا نقشہ کھینچ دیا ہے۔