سورة مريم - آیت 84

فَلَا تَعْجَلْ عَلَيْهِمْ ۖ إِنَّمَا نَعُدُّ لَهُمْ عَدًّا

ترجمہ ترجمان القرآن - مولانا ابوالکلام آزاد

پس تو ان کے بارے میں جلدی نہ کر، (فیصلہ امر میں جو دیر ہو رہی ہے تو) یہ صرف اس لیے ہے کہ ہم ان کے دن گن رہے ہیں، (قریب ہے کہ مقررہ وقت ظہور میں آجائے)

تفسیر اشرف الہواشی - محمد عبدہ لفلاح

ف 4 یعنی آپ اس بارے میں تعجب نہ کریں کہ ہم نے ان کی رسی ڈھیلی کیوں چھوڑ رکھی ہے اور اس قدر سرکشی کے باوجود ان کی گرفت كیوں نہیں کرتے۔ بس اب مہلت کے دن پورے هورہے ہیں اور ان کی شامت آیا ہی چاہتی ہے۔