سورة مريم - آیت 19

قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا

ترجمہ ترجمان القرآن - مولانا ابوالکلام آزاد

فرشتہ نے کہا میں تو تیرے پروردگار کا فرستادہ ہوں، اور اس لیے نمودار ہوا ہوں کہ تجھے ایک پاک فرزند دے دوں۔

تفسیر اشرف الحواشی - محمد عبدہ الفلاح

ف 6 یعنی میرے بارے میں کوئی برا خیال دل میں نہ لائو۔ میں تو اسی خدا کی طرف سے بھیجا ہوا فرشتہ ہوں جس کی تم پناہ مانگ رہی ہو۔ عطا کرنے والا اگرچہ خدا ہے مگر چونکہ حضرت جبرئیل خدا کے بھیجے ہوئے تھے اس لئے انہوں نے عطا کروں کا لفظ استعمال فرمایا۔ (شوکانی)