سورة الإسراء - آیت 17

وَكَمْ أَهْلَكْنَا مِنَ الْقُرُونِ مِن بَعْدِ نُوحٍ ۗ وَكَفَىٰ بِرَبِّكَ بِذُنُوبِ عِبَادِهِ خَبِيرًا بَصِيرًا

ترجمہ ترجمان القرآن - مولانا ابوالکلام آزاد

اور (دیکھو) نوح کے بعد قوموں کے کتنے ہی دور گزر چکے ہیں جنہیں ہم نے ہلاک کردیا اور (اے پیغمبر) تیرے پروردگار کی خبر واری اور نگرانی اس کے بندوں کے (گناہوں کے) لیے بس کرتی ہے۔

تفسیر اشرف الحواشی - محمد عبدہ الفلاح

ف 6 عینی ان امتوں پر جو تباہی آئی وہ اسی قاعدہ اور عام اصول کے تح تآئی۔ کوئی امت بے قصور نہیں پکڑ گی۔ (انعام 131) ف 7 اس سے کسی کا بگاڑ اور شرارت پوشیدہ نہیں ہے۔ اس سے مقصود کفار قریش کو متنبہ کرنا ہے کہ تم بھی اگر محمد ﷺ کی تکذیب کرو گے اور زمین پر فسق و فجور کا ارتکاب کرو گے تو جس طرح پہلی امتوں پر اللہ تعالیٰ کا عذاب آیا اسی طرح تم بھی تباہ کردیئے جائو گے۔ پس ابھی وقت ہے کہ اپنی اصلاح کرلو۔