سورة البقرة - آیت 161

إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَٰئِكَ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ

ترجمہ ترجمان القرآن - مولانا ابوالکلام آزاد

(لیکن) جن لوگوں نے راہ حق سے انکار کیا اور پھر مرتے دم تک اسی پر قائم رہے تو (ظاہر ہے کہ ان کے لیے اصلاح حال کا کوئی موقعہ باقی نہ رہا) یہ وہ لوگ ہیں جن پر اللہ کی، اس کے فرشتوں کی، انسانوں کی، سب کی لعنت ہوئیئ

تفسیر اشرف الہواشی - محمد عبدہ لفلاح

ف 3:اوپر كی آیت میں بتایا كہ اس دائره لعنت سے نكلنے كی صرف ایك صورت ہے كہ یہ لوگ اپنی سابقہ كوتاہیوں سے تائب ہوں اور آئنده لوگوں كے سامنے حق كو صاف طور پر بیان كریں ورنہ جو لوگ اس حالت كفر میں مرگئے وه ہمیشہ كے لئے لعنت كے عذاب میں گرفتار رہیں گے ۔ مسئلہ :اس آیت کی روسے علماء اس امر پر متفق ہیں کہ کفار پر عمومی لعنت کی جاسکتی ہے اور کسی کافر کا نام لے کر بھی یہ فعل جائز ہے۔ (ابن کثیر۔ قرطبی )