سورة ھود - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ ترجمان القرآن - مولانا ابوالکلام آزاد

شروع اللہ کے نام سے جو بے حد مہربان اور نہایت رحم والا ہے

تفسیر اشرف الحواشی - محمد عبدہ الفلاح

ف 2۔ اکثر مفسرین نے اس پوری سورۃ کی مکی قرار دیا ہے اور حضرت ابن عباس (رض) اور قتادہ (رض) آیت اقم الصلوۃ… اور مقاتل (رض) اس کی آیت : فلعلک تارک…کو غیر ملی قرار دیتے ہیں مگر سورۃ یونس سے اس کا نزول بہرحال متقدم ہے۔ حضرت کعب (رض) سے روایت ہے کہ نبی ﷺ نے فرمایا کہ ” سورۃ ہود کو جمعہ کے روز پڑھا کرو“ (بیہقی مراسیل ابی دائود)۔ ایک حدیث میں آنحضرت ﷺ نے فرمایا : مجھے سورۃ ہود واقعہ، مرسلات عم یتساء ولون اور اذا الشمس کورت نے بوڑھا کردیا ہے۔ (طبرانی) یہی روایت متعدد صحابہ (رض) سے حدیت کی دوسری کتابوں میں بھی آتی ہے۔ (از شوکانی)۔