سورة التكوير

وَإِذَا السَّمَاءُ كُشِطَتْ

اور جب آسمان کی کھال اتاری جائے گی

وَ اِذَا السَّمَآءُ كُشِطَتْ : ’’كَشَطَ‘‘ (ض) ’’اَلشَّيْءَ‘‘ کسی چیز سے وہ چیز اتار دینا جس نے اسے ڈھانپ رکھا ہو۔ ’’كَشَطَ الْبَعِيْرَ‘‘ اونٹ کی کھال اتارنا۔ عالم بالا پر آسمان کا پردہ جو کھال کی طرح چڑھا ہوا ہے اسے اتار کر تہ کر دیا جائے گا۔ (طبری) جیساکہ اللہ تعالیٰ کا فرمان ہے: ﴿يَوْمَ نَطْوِي السَّمَآءَ كَطَيِّ السِّجِلِّ لِلْكُتُبِ﴾ [ الأنبیاء : ۱۰۴] ’’جس دن ہم آسمان کو یوں لپیٹ دیں گے جیسے طومار میں اوراق لپیٹ دیے جاتے ہیں۔‘‘ کھال اتار دیے جانے کے بعد عالم بالا سب کے سامنے آشکار ہو جائے گا۔