سورة التكوير

وَإِذَا النُّجُومُ انكَدَرَتْ

اور جب تارے ماند پڑجائیں گے

وَ اِذَا النُّجُوْمُ انْكَدَرَتْ : ’’ انْكَدَرَتْ ‘‘ طبری نے اس کے دو معانی نقل فرمائے ہیں، پہلا ’’تَنَاثَرَتْ‘‘ یعنی بکھر کر گر جائیں گے اور دوسرا ’’ تَغَيَّرَتْ‘‘ یعنی متغیر ہو جائیں گے۔ کدورت صفائی کی ضد ہے۔ دونوں معانی ملحوظ رکھے جائیں تو مطلب یہ ہوگا کہ ستارے بکھر کر گر جائیں گے، ان کی روشنی اور صفائی ختم ہو جائے گی اور وہ بے نور ہو جائیں گے۔