سورة النازعات

يَسْأَلُونَكَ عَنِ السَّاعَةِ أَيَّانَ مُرْسَاهَا

لوگ تجھ سے اس گھڑی کی بابت پوچھتے ہیں کہ اس کے لنگر ڈالنے (یعنی قائم ہونے) کا وقت کب ہے ؟۔

يَسْـَٔلُوْنَكَ عَنِ السَّاعَةِ اَيَّانَ مُرْسٰىهَا : ’’ مُرْسٰىهَا ‘‘ ’’أَرْسٰي يُرْسِيْ‘‘ (افعال) سے مصدر ہو تو معنی ہوگا ’’اس کا وقوع یا قیام‘‘ اور اگر ظرف ہو تو معنی ہے ’’اس کے قیام کا وقت۔‘‘ کافر لوگ یہ سوال بار بار کرتے تھے، اس سے ان کا مقصد قیامت کا وقت اور تاریخ معلوم کرنا نہیں تھا بلکہ اسے جھٹلانا اور اس کا مذاق اڑانا ہوتا تھا۔