سورة الواقعة

وَمَاءٍ مَّسْكُوبٍ

اور اوپر سے گرتے ہوئے پانی میں۔

وَ مَآءٍ مَّسْكُوْبٍ:’’سَكَبَ يَسْكُبُ سَكْبًا وَ تَسْكَابًا‘‘ (ن) ’’الْمَاءَ‘‘ پانی گرانا۔ ’’اَلسَّكْبُ‘‘ لگاتار بارش۔ ’’ مَآءٍ مَّسْكُوْبٍ ‘‘ سے مراد آبشاروں سے گرنے والا اور مسلسل بہنے والا پانی ہے۔ ’’ تَسْنِيْمٍ ‘‘ میں بھی یہی مفہوم پایا جاتا ہے۔ (دیکھیے مطففین : ۲۷) واضح رہے کہ جنت کی بے شمار نعمتیں ایسی ہیں جو سابقون اور اصحاب الیمین دونوں کے لیے مشترک ہیں، البتہ ان کی کیفیت میں فرق ہو سکتا ہے۔ اگلی آیت میں ’’ فَاكِهَةٍ كَثِيْرَةٍ ‘‘ کا بھی یہی معاملہ ہے۔