سورة الواقعة - آیت 18

بِأَكْوَابٍ وَأَبَارِيقَ وَكَأْسٍ مِّن مَّعِينٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

آبخورے اور کو زے اور نتھری شراب کے پیالے۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

1۔ بِاَكْوَابٍ وَّ اَبَارِيْقَ: ’’ أَكْوَابٌ‘‘ ’’كُوْبٌ‘‘ کی جمع ہے، برتن جس کی نہ دستی ہو نہ ٹونٹی۔ ’’ اَبَارِيْقَ ‘‘ ’’إِبْرِيْقٌ‘‘ کی جمع ہے، مادہ اس کا ’’بَرْقٌ‘‘ (چمک) ہے، وہ برتن جس کی ٹونٹی یا پکڑنے کی دستی ہو یا دونوں ہوں۔ چمک کی وجہ سے اس کا نام ’’إِبْرِيْقٌ‘‘ رکھا گیا ہے۔ بعض کہتے ہیں کہ یہ فارسی لفظ ’’ابریز‘‘ کا معرب ہے۔ 2۔ وَ كَاْسٍ مِّنْ مَّعِيْنٍ: اس کے لیے دیکھیے سورۂ صافات (۴۵)کی تفسیر۔