سورة الرحمن

وَمِن دُونِهِمَا جَنَّتَانِ

اور ان دو باغوں کے سوا اور باغ ہیں۔

وَ مِنْ دُوْنِهِمَا جَنَّتٰنِ: جیسا کہ ’’ وَ لِمَنْ خَافَ مَقَامَ رَبِّهٖ جَنَّتٰنِ ‘‘ کی تفسیر میں گزر چکا ہے کہ پہلی دو جنتیں جن کا ذکر اوپر گزرا، اللہ سے ہمیشہ ڈرنے والے مقربین کے لیے ہیں اور یہاں سے عام اہلِ ایمان یعنی اصحاب الیمین کو ملنے والی جنتوں کا ذکر ہوتا ہے، جو کئی باتوں میں پہلی دونوں جنتوں کے ساتھ مشترک اور کئی باتوں میں ان سے کم تر ہیں۔