سورة الرحمن

كُلُّ مَنْ عَلَيْهَا فَانٍ

اور جو کوئی زمین پر ہے فانی ہے

كُلُّ مَنْ عَلَيْهَا فَانٍ:’’ فَانٍ ‘‘’’فَنِيَ يَفْنٰي فَنَاءً‘‘ (س) سے اسم فاعل ہے۔ اس سے پہلے آیت (۱۰) میں زمین کا تذکرہ فرمایا ہے، اس کے بعد زمین پرموجود چیزوں کا ذکر فرمایا، جس میں جن و انس بھی شامل ہیں اور اللہ تعالیٰ کی قدرت اور نعمت کے رنگا رنگ نمونے بھی۔ اس کے بعد بتایا کہ ان میں سے کسی کو بھی بقا و دوام حاصل نہیں، سب فنا ہونے والے ہیں۔ بقا و دوام صرف اللہ تعالیٰ کی ذات پاک کے لیے ہے۔ (دیکھیے آلِ عمران : ۱۸۵۔ فرقان : ۵۸) آیت کی تفسیر کے لیے دیکھیے سورۂ قصص (۸۸) کی تفسیر۔