سورة الرحمن

خَلَقَ الْإِنسَانَ مِن صَلْصَالٍ كَالْفَخَّارِ

آدمی کو ٹھیکری جیسی کھنکھارتی (یعنی بجنے والی خشک) مٹی سے پیدا کیا۔

خَلَقَ الْاِنْسَانَ مِنْ صَلْصَالٍ كَالْفَخَّارِ: ’’صَلْصَلَةٌ‘‘ وہ آواز جو کسی چیز کو بجانے یا کھڑکانے سے پیدا ہوتی ہے، جیسا کہ صحیح بخاری کی حدیث (۲) میں ’’صَلْصَلَةُ الْجَرْسِ‘‘ کا ذکر ہے۔ ’’صَلْصَالٍ ‘‘ بجنے والی، کھنکھنانے والی (مٹی)۔ بعض کہتے ہیں یہ ’’ صِلُّ اللَّحْمِ‘‘ سے مشتق ہے، جس کا معنی گوشت کا بدبودار ہونا ہے۔ مراد بدبودار مٹی ہے۔ آیت کی مزید تفسیر کے لیے دیکھیے سورۂ حجر (۲۶)۔