سورة الذاريات

فَتَوَلَّ عَنْهُمْ فَمَا أَنتَ بِمَلُومٍ

سو تو ان سے منہ موڑ لے اب تجھ پر ملامت نہیں ہے

فَتَوَلَّ عَنْهُمْ فَمَا اَنْتَ بِمَلُوْمٍ: یعنی جب وہ سرکشی پر اڑے ہوئے ہیں اور حق واضح ہونے کے باوجود اسے قبول کرنے پر تیار نہیں تو آپ کی ذمہ داری یہ نہیں کہ انھی کے پیچھے پڑے رہیں، بلکہ آپ ان سے کنارہ کشی اختیار کریں۔ آپ کا کام حق کا پیغام پہنچا دینا ہے، وہ آپ نے پہنچا دیا، اب اگر وہ اسے قبول نہیں کرتے تو آپ پر کوئی ملامت نہیں۔ دیکھیے سورۂ شوریٰ (۴۸) کی تفسیر۔