سورة الزخرف - آیت 50

فَلَمَّا كَشَفْنَا عَنْهُمُ الْعَذَابَ إِذَا هُمْ يَنكُثُونَ

ترجمہ سراج البیان - مولانا حنیف ندوی

پھر جب ہم نے ان سے عذاب ہٹا لیا ۔ تو فوراً ہی انہوں نے اپنا عہد توڑ ڈالا

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

فَلَمَّا كَشَفْنَا عَنْهُمُ الْعَذَابَ اِذَا هُمْ يَنْكُثُوْنَ: ’’ اِذَا ‘‘ مفاجاتیہ ہے، جس کا معنی ’’اچانک‘‘ ہے، یعنی عذاب ہٹتے ہی فوراً عہد توڑ دیتے۔ نہ سوچنے کی زحمت کرتے، نہ عہد توڑنے میں انھیں کوئی حیا مانع ہوتی تھی۔