سورة الزمر

لَهُم مَّا يَشَاءُونَ عِندَ رَبِّهِمْ ۚ ذَٰلِكَ جَزَاءُ الْمُحْسِنِينَ

ان کے لئے جو وہ چاہیں گے ان کے رب کے پاس موجود ہے ۔ یہ نیکوں (ف 2) کا بدلا ہے

1۔ لَهُمْ مَّا يَشَآءُوْنَ عِنْدَ رَبِّهِمْ: چونکہ وہ دنیا میں وہ کام کر تے رہے جو ان کا رب چاہتا تھا، اس لیے اس کے بدلے میں رب تعالیٰ کے ہاں انھیں وہ کچھ ملے گا جو وہ چاہیں گے، فرمایا : ﴿ هَلْ جَزَآءُ الْاِحْسَانِ اِلَّا الْاِحْسَانُ ﴾ [ الرحمٰن : ۶۰ ] ’’نیکی کا بدلا نیکی کے سوا کیا ہے۔‘‘ 2۔ ذٰلِكَ جَزٰٓؤُا الْمُحْسِنِيْنَ: یہاں کچھ عبارت محذوف ہے : ’’لِأَنَّهُمْ كَانُوْا مُحْسِنِيْنَ‘‘ کیونکہ وہ نیکی کرنے والے تھے اور نیکی کرنے والوں کی یہی جزا ہے۔ ’’احسان‘‘ کی تفسیر کے لیے دیکھیے سورۂ بقرہ (۵۸)، یوسف (۳۶) اور قصص (۱۴ اور ۷۷)۔