سورة يس - آیت 50

فَلَا يَسْتَطِيعُونَ تَوْصِيَةً وَلَا إِلَىٰ أَهْلِهِمْ يَرْجِعُونَ

ترجمہ سراج البیان - مولانا حنیف ندوی

پھر نہ وصیت کرسکیں گے اور نہ اپنے اہل کی طرف لوٹ کر آسکیں گے

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

فَلَا يَسْتَطِيْعُوْنَ۠ تَوْصِيَةً ....: ’’ تَوْصِيَةً ‘‘ ’’وَصّٰي يُوَصِّيْ‘‘ (تفعیل) کا مصدر ہے، وصیت کرنا۔ یعنی اس چیخ کے بعد انھیں اتنی مہلت نہیں ملے گی کہ وہ کچھ وصیت کر سکیں، یا جو باہر ہیں وہ اپنے گھر واپس جا سکیں، بلکہ جو کوئی جہاں موجود ہو گا وہیں دھر لیا جائے گا۔