سورة البقرة

وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ

اور اس دن سے ڈرتے رہو جس دن تم خدا کی طرف واپس جاؤ گے ، پھر ہر کسی کو اس کی کمائی کا پورا بدلہ ملے گا اور ان پر ظلم نہ ہوگا ۔

اس آیت میں اللہ تعالیٰ نے اپنے بندوں کو دنیا کے زوال پذیر ہونے اور اس کے اموال وغیرہ کے فانی ہونے اور آخرت میں اللہ تعالیٰ کے سامنے پیش ہونے اور ہر عمل کے محاسبے اور اس کی جزا و سزا ہونے کے ساتھ نصیحت فرمائی ہے۔ (ابن کثیر) ابن عباس رضی اللہ عنہما فرماتے ہیں:’’قرآن میں سب سے آخر میں جو آیت اتری وہ یہ ہے۔‘‘ [السنن الکبریٰ للنسائی:10؍40،39، ح:۱۰۹۹۱، ۱۰۹۹۲، صحیح۔ ہدایۃ المستنیر:۸۷۰ ]