سورة النور

وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ

اور اگر ان کو کچھ حق (مال غنیمت وغیرہ سے) پہنچتا ہو تو اس کے مطیع ہو کر آتے ہیں ۔

وَ اِنْ يَّكُنْ لَّهُمُ الْحَقُّ....: ’’ مُذْعِنِيْنَ ‘‘ ’’أَيْ مُنْقَادِيْنَ‘‘ مطیع ہونے والے، یعنی جب دیکھتے ہیں کہ شریعت کے مطابق فیصلے میں ان کا فائدہ ہے، تب تو بڑے فرماں بردار بن کر آتے ہیں اور ایمان کے لمبے چوڑے دعوے کرتے ہیں ورنہ دبک کر بیٹھ جاتے ہیں اور شریعت کے احکامات میں کیڑے نکالنا شروع کر دیتے ہیں۔ معلوم ہوا کہ شریعت کی اس طرح کی پیروی اللہ تعالیٰ کی نظر میں کوئی وزن نہیں رکھتی، کیونکہ یہ شریعت کی پیروی نہیں بلکہ نفس کی پیروی ہے۔ (ابن کثیر)