سورة النور - آیت 46

لَّقَدْ أَنزَلْنَا آيَاتٍ مُّبَيِّنَاتٍ ۚ وَاللَّهُ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ

ترجمہ سراج البیان - مولانا حنیف ندوی

ہم نے کھلی نشانیاں نازل کیں ، اور اللہ جسے چاہے سیدھی راہ پر چلائے ۔ (ف ١) ۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

لَقَدْ اَنْزَلْنَا اٰيٰتٍ مُّبَيِّنٰتٍ : دیکھیے اسی سورت کی آیت (۳۴) کی تفسیر۔ وَ اللّٰهُ يَهْدِيْ مَنْ يَّشَآءُ : دیکھیے اسی سورت کی آیت (۳۵) کی تفسیر۔ 3۔ یہ آیت آئندہ آیات کی تمہید ہے، جن میں منافقین کا ذکر فرمایا ہے کہ یقیناً ہم نے تو کھول کر بیان کرنے والی عظیم الشان آیات نازل کی ہیں، مگر ان کے ذریعے سے صراطِ مستقیم کی ہدایت دینا صرف اللہ تعالیٰ کا کام ہے۔ آگے کچھ ایسے لوگوں کا ذکر فرمایا جنھیں ہدایت دینا اللہ کی مشیت نہیں ہے۔