سورة المؤمنون - آیت 110

فَاتَّخَذْتُمُوهُمْ سِخْرِيًّا حَتَّىٰ أَنسَوْكُمْ ذِكْرِي وَكُنتُم مِّنْهُمْ تَضْحَكُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو تم نے ان کا ٹھٹھا بنا رکھا تھا یہاں تک کہ تم ان کے پیچھے پڑ کر مجھے یاد کرنا بھول گئے ، اور تم ان پر ہنستے ہی رہے ۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

1۔ فَاتَّخَذْتُمُوْهُمْ سِخْرِيًّا....: ’’ حَتّٰى اَنْسَوْكُمْ ذِكْرِيْ ‘‘ کا لفظی معنی یہ ہے کہ انھوں نے تمھیں میری یاد بھلا دی۔ یعنی تم ان کے پیچھے ایسے ہاتھ دھو کر پڑے اور ان کا اس قدر مذاق اڑاتے رہے کہ گویا وہ تمھیں میری یاد بھلانے کا سبب بن گئے۔ (شوکانی) 2۔ وَ كُنْتُمْ مِّنْهُمْ تَضْحَكُوْنَ : دیکھیے سورۂ مطففین (۲۹ تا ۳۶)۔