سورة طه - آیت 58

فَلَنَأْتِيَنَّكَ بِسِحْرٍ مِّثْلِهِ فَاجْعَلْ بَيْنَنَا وَبَيْنَكَ مَوْعِدًا لَّا نُخْلِفُهُ نَحْنُ وَلَا أَنتَ مَكَانًا سُوًى

ترجمہ سراج البیان - مولانا حنیف ندوی

سو ہم بھی تیرے پاس ایک ایسا ہی جادو لائیں گے تو تو ہمارے اور اپنے درمیان ایک صاف میدان میں ایک جگہ وعدہ گاہ مقرر کر کہ اس کے خلاف نہ کریں نہ ہم اور نہ تو ۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

فَاجْعَلْ بَيْنَنَا وَ بَيْنَكَ مَوْعِدًا....: ’’مَوْعِدًا‘‘ظرف زمان بھی ہو سکتا ہے، مکان بھی اور مصدر میمی بھی،یعنی ہمارے ساتھ وہ وقت بھی طے کر لو جس میں مقابلہ ہو گا اور جگہ بھی، البتہ جگہ ایسی ہونی چاہیے جو قبطیوں اور بنی اسرائیل دونوں کے لیے برابر ہو، تاکہ کسی کو آنے میں دشواری پیش نہ آئے۔ بعض مفسرین نے فرمایا کہ ’’مَكَانًا سُوًى‘‘ کا مطلب برابر اور ہموار زمین ہے، جہاں سب مقابلہ دیکھ سکیں۔