سورة التوبہ - آیت 89
أَعَدَّ اللَّهُ لَهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ ذَٰلِكَ الْفَوْزُ الْعَظِيمُ
ترجمہ سراج البیان - مولانا حنیف ندوی
ان کے لئے اللہ نے باغ تیار کئے ہیں ، جن کے نیچے نہریں بہتی ہیں وہ وہاں ہمیشہ رہیں گے ، یہی بڑی مراد ملنی ہے ۔
تفسیر القرآن کریم (تفسیر عبدالسلام بھٹوی) - حافظ عبدالسلام بن محمد
اَعَدَّ اللّٰهُ لَهُمْ جَنّٰتٍ....: رسول اللہ صلی اللہ علیہ وسلم نے فرمایا : ’’بے شک جنت میں سو درجے ہیں جو اللہ نے مجاہدین فی سبیل اللہ کے لیے تیار کیے ہیں، ہر دو درجوں کے درمیان اتنا فاصلہ ہے جو زمین و آسمان کے درمیان ہے تو جب تم اللہ تعالیٰ سے مانگو تو اس سے فردوس کا سوال کرو، کیونکہ وہ جنت کا سب سے بہتر اور سب سے بلند حصہ ہے، جس کے اوپر رحمان کا عرش ہے اور اسی سے جنت کی نہریں نکلتی ہیں۔‘‘ [ بخاری، الجہاد والسیر، باب درجات المجاہدین فی سبیل اللّٰہ: ۲۷۹۰، عن أبی ھریرۃ رضی اللّٰہ عنہ ]