سورة الانعام

وَكَذَّبَ بِهِ قَوْمُكَ وَهُوَ الْحَقُّ ۚ قُل لَّسْتُ عَلَيْكُم بِوَكِيلٍ

اور اے محمد (ﷺ) تیرے قوم نے قرآن کو جھٹلایا اور وہ تو حق ہے تو کہہ میں تمہارے اوپر داروغہ نہیں ۔

(61)مشرکین مکہ کا احوال واقعی بیان کیا جا رہا ہے، اور نبی کریم İﷺĬ کو کہا جا رہا ہے کہ آپ کی قوم نے قرآن کو جھٹلا دیا ، حالانکہ وہ برحق ہے اور اس میں بیان شدہ ہر بات سچی ہے، آپ ان سے کہ دیجئے کہ میں تمہارا ذمہ دار نہیں ہوں کہ تم ضرور ہی قرآن پر ایمان لے آؤ، میرا کام تو صرف اللہ کا پیغام پہنچا دینا ہے۔