سورة المآئدہ - آیت 120

لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ ۚ وَهُوَ عَلَىٰ كُلِّ شَيْءٍ قَدِيرٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

آسمان اور زمین اور جو اس کے درمیان ہے سب اللہ کی سلطنت ہے اور وہ ہر شئے پر قادر ہے ۔

تفسیرتیسیرارحمٰن - محمد لقمان سلفی

(146) اس آیت کریمہ میں نصاری کی کذب بیانی اور عیسیٰ اور ان کی ماں کے بارے میں فساد عقیدہ پر تنبیہ کی گئی ہے کہ اللہ کے علاوہ کوئی مالک نہیں، اس لیے اس کا کوئی شریک کیسے ہوسکتا ہے وہ ہر چیز پر قادر ہے اور ہر چیز اس کی ملکیت ہے، اور اس کے قبضہ قدرت ومشیت میں ہے۔ اس کا کوئی نظیر ووزیر نہیں۔ نہ اس کے علاہ کوئی معبود ہے اور نہ کوئی رب۔،