سورة البينة - آیت 6

إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بے شک جو لوگ اہل کتاب (ف 2) اور مشرکین میں سے کافر ہوئے وہ جہنم میں جائیں گے ۔ اس میں ہمیشہ رہیں گے ۔ وہی ساری خلقت میں بدترین (ف 3) ہیں۔

تفسیرتیسیرارحمٰن - محمد لقمان سلفی

(6)جو اہل کتاب اور مشرکین نبی کریم (ﷺ) اور قرآن کریم پر ایمان نہیں لائے، ان کے بارے میں اللہ تعالیٰ نے اپنا فیصلہ صادر فرمایا کہ وہ لوگ اللہ کی بدترین مخلوق ہیں، بندروں اور سوروں سے بھی بدترین ہیں اور ان کا ٹھکانا جہنم ہوگا جس میں وہ لوگ ہمیشہ جلتے رہیں گے۔