سورة الضحى - آیت 5

وَلَسَوْفَ يُعْطِيكَ رَبُّكَ فَتَرْضَىٰ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور البتہ عنقریب تیرا رب تجھے دیگا پھر تو راضی ہوجائے گا۔

تفسیرتیسیرارحمٰن - محمد لقمان سلفی

(5)اور آخرت میں آپ کو جو مقام ملے گا اور جن نعمتوں سے آپ نوازے جائیں گے ان کی تعبیر انسانی الفاظ میں ممکن نہیں، اسی لئے اللہ نے کہا : ﴿وَلَسَوْفَ يُعْطِيكَ رَبُّكَ فَتَرْضَىٰ Ĭ ” اور عنقریب آپ کا رب آپ پر اپنے انعامات کی بارش کرے گا تو آپ راضی ہوجائیں گے۔ “