سورة الليل - آیت 19
وَمَا لِأَحَدٍ عِندَهُ مِن نِّعْمَةٍ تُجْزَىٰ
ترجمہ سراج البیان - مولانا حنیف ندوی
اور اس پر کسی کا کوئی احسان نہیں جس کا وہ بدلہ دے
تیسیر الرحمن لبیان القرآن - محمد لقمان السلفی رحمہ اللہ
(19/20)ان آیات کا تعلق بھی اوپر کی آیات سے ہے اور مفہوم یہ ہے کہ وہ بندہ مومن اپنا جو مال بھی خرچ کرتا ہے وہ محض اپنے رب کی رضا کے لئے کرتا ہے ایسا نہیں کہ کوئی شخص اس پر احسان کئے ہوتا ہے جس کا بدلہ چکانے کے لئے وہ اسے اپنا مال دیتا ہے اور جب بات ایسی ہے کہ وہ محض اپنے رب کی رضا کے لئے خرچ کرتا ہے۔