سورة الشمس - آیت 13

فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا

ترجمہ سراج البیان - مولانا حنیف ندوی

تو اللہ کے رسول نے ان سے کہا کہ محافظت کرو خدا کی اونٹنی اور اس کے پانی پلانے کو

تیسیر الرحمن لبیان القرآن - محمد لقمان السلفی رحمہ اللہ

(13)اللہ تعالیٰ نے جب قوم ثمود کی طلب کے مطابق صالح (علیہ السلام) کی صداقت کی دلیل کے طور پر پہاڑ سے اونٹنی نکال دی، تو صالح (علیہ السلام) نے انہیں نصیحت کی کہ کوئی آدمی اسے ایذا نہ پہنچائے، یہ آزادی کے ساتھ جہاں چاہے گی جائے گی اور اپنی باری کے دن کنواں سے پانی پئے گی اسے تکلیف پہنچانا یا اس کی باری کے دن اسے پانی پینےسے روکنا، اللہ کے عذاب کو بلانا ہے۔