سورة الطارق - آیت 10

فَمَا لَهُ مِن قُوَّةٍ وَلَا نَاصِرٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو اس کے لئے نہ طاقت ہوگی نہ مددگار۔

تفسیرتیسیرارحمٰن - محمد لقمان سلفی

(10)اور کافر انسان کے پاس نہ خود کوئی قوت ہوگی جس کے ذریعہ اللہ کے عذاب کو ٹال سکے اور نہ اس کا کوئی مددگار ہوگا جو آگے بڑھ کر اسے عذاب سے نجات دلا سکے گا، اس کی بے بسی انتہا کو پہنچی ہوگی اور انتہائے بے چارگی میں اپنے برے انجام کو اپنی آنکھوں سے دیکھ رہا ہوگا۔