سورة البروج - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ سراج البیان - مولانا حنیف ندوی

(شروع) اللہ کے نام سے جو بڑا مہربان نہایت رحمت والا ہے

تیسیر الرحمن لبیان القرآن - محمد لقمان السلفی رحمہ اللہ

سورۃ البروج مکی ہے، اس میں بائیس آیتیں اور ایک رکوع ہے ۔ تفسیر سورۃ البروج نام : پہلی آیت میں ہی ” البروج“ کا لفظ آیا ہے، یہی اس سورت کا نام رکھ دیا گیا ہے۔ زمانہ نزول : یہ سورت بالاتفاق مکی ہے، ابن مردویہ اور بیہقی وغیرہ نےابن عباس (رض) سے روایت کی ہے کہ ﴿وَالسَّمَاءِ ذَاتِ الْبُرُوجِ Ĭ مکہ میں نازل ہوئی تھی۔ امام احمد نے ابوہریرہ (رض) سے روایت کی ہے کہ رسول اللہ (ﷺ) عشاء کی نماز میں ﴿وَالسَّمَاءِ ذَاتِ الْبُرُوجِ Ĭ پڑھا کرتے تھے نیز امام احمد نے ابوہریرہ (رض) سے روایت کی ہے نبی کریم (ﷺ) نے عشاء کی نماز میں ﴿وَالسَّمَاءِ ذَاتِ الْبُرُوجِ Ĭ پڑھنے کا حکم دیا ہے۔