سورة النبأ - آیت 11

وَجَعَلْنَا النَّهَارَ مَعَاشًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور دن کو ہم نے کمانے کے لئے بنایا۔

تفسیرتیسیرارحمٰن - محمد لقمان سلفی

(11)اور ہم نے دن کو تلاش معاش کا وقت بنایا ہے انسان دن کی روشنی میں اپنی اور اپنے بال بچوں کی روزی حاصل کرنے کے لئے ہاتھ پاؤں چلاتا ہے، ایک جگہ سے دوسری جگہ جاتا ہے اور مشاغل زراعت و تجارت میں لگا رہتا ہے، یہاں تک کہ پھر رات آجاتی ہے یہ تمام چیزیں باری تعالیٰ کی قدرت اس کے علم اور اس کی حکمت و رحمت کے مظاہر ہیں۔