سورة النبأ - آیت 9
وَجَعَلْنَا نَوْمَكُمْ سُبَاتًا
ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی
اور تمہاری نیند کو آرام کا سبب ٹھہرایا۔
تفسیرتیسیرارحمٰن - محمد لقمان سلفی
(9)اور ہم نے تمہاری نیند کو تمہاری راحت و سکون کا سبب بنایا ہے اگر نیند نہ آتی تو آدمی کا بدن تھک کر چور ہوجاتا، اس کا سکون چھن جاتا اور اسے جنون لاحق ہوجاتا۔ نیند اللہ تعالیٰ کی رحمت ہے جس کے ذریعہ آدمی کی کھوئی ہوئی طاقت واپس آجاتی ہے اور وہ تازہ دم ہو کر دوبارہ کاروبار حیات میں سرگرم ہوجاتا ہے۔