سورة المرسلات - آیت 36

وَلَا يُؤْذَنُ لَهُمْ فَيَعْتَذِرُونَ

ترجمہ سراج البیان - مولانا حنیف ندوی

اور نہ انہیں اجازت ہوگی کہ عذر (پیش) کریں ؟

تیسیر الرحمن لبیان القرآن - محمد لقمان السلفی رحمہ اللہ

اور ان جھٹلانے والوں کو اس دن عذر پیش کرنے کی اجازت ہی نہیں دی جائے گی، تاکہ وہ اپنا عذر پیش کریں، سورۃ النحل آیت (84) میں اللہ تعالیٰ نے فرمایا ہے : ﴿ثُمَّ لَا يُؤْذَنُ لِلَّذِينَ كَفَرُوا وَلَا هُمْ يُسْتَعْتَبُونَ Ĭ” پھر کافروں کو (معذرت پیش کرنے کی) اجازت نہیں دی جائے گی، اور نہ ان سے توبہ کرنے کو کہا جائے گا“