سورة المرسلات - آیت 7

إِنَّمَا تُوعَدُونَ لَوَاقِعٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بے شک جو تم سے وعدہ ہوا ہے وہ ضرور ہونے والا ہے۔

تفسیرتیسیرارحمٰن - محمد لقمان سلفی

(7) اوپر کی آیتوں میں اللہ تعالیٰ نے اپنی چار قسم کی مخلوقات کی قسمیں کھانے کے بعد، اس آیت کریمہ میں وہ بات بیان کی ہے جس کی حقانیت و صداقت لوگوں کے دلوں میں بیٹھانے کے لئے اتنی ساری قسمیں کھائی ہیں فرمایا کہ جس قیامت کی آمد کا تم سے وعدہ کیا جاتا ہے یقیناً وہ آ کر رہے گی ،سورۃ الذاریات آیت (6)میں اللہ تعالیٰ نے فرمایا ہے : ﴿وَإِنَّ الدِّينَ لَوَاقِعٌ Ĭ ” اور بے شک قیامت ضرور آئے گی۔ “