سورة الإنسان - آیت 22

إِنَّ هَٰذَا كَانَ لَكُمْ جَزَاءً وَكَانَ سَعْيُكُم مَّشْكُورًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ تمہارا بدلہ ہے ، اور تمہاری کوشش قابل شکر گزاری ہے۔

تفسیرتیسیرارحمٰن - محمد لقمان سلفی

(22)جب اہل جنت ان تمام نعمتوں کو اپنی آنکھوں سے دیکھ لیں گے اور ان سے متمتع ہونے لگیں گے، تو ان سے کہا جائے گا کہ یہ سب کچھ تمہارے ایمان و تقوی کا بدلہ ہے اور تمہارے عمل صالح کو اللہ نے ضائع نہیں کیا ہے۔