سورة نوح - آیت 10

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

چنانچہ میں نے کہا کہ اپنے رب سے گناہ بخشو ! وہ بےشک بڑا بخشنے (ف 2) والا ہے۔

تفسیرتیسیرارحمٰن - محمد لقمان سلفی

(10)اور ان سے کہا کہ تم لوگ اپنے گزشتہ گناہوں سے صدق دل کے ساتھ اپنے رب سے مغفرت طلب کرو وہ اپنی طرف رجوع کرنے والوں اور اپنے حضور توبہ کرنے والوں کی خطاؤں کو بڑا معاف کرنے والا ہے۔