سورة الحاقة - آیت 17

وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور فرشتے اس کے کناروں پر ہونگے اور اس دن آٹھ فرشتے تیرے رب کا تخت اوپر اٹھائے ہوں گے۔

تفسیرتیسیرارحمٰن - محمد لقمان سلفی

(17)اور فرشتے آسمان کے کناروں پر پناہ لیں گے ضحاک کا قول ہے کہ قیامت کے دن جب آسمان پھٹ جائے گا تو فرشتے اس کے کناروں پر پناہ گزیں ہوجائیں گے، یہاں تک کہ اللہ تعالیٰ انہیں زمین پر اترنے کا حکم دے گا، تو وہ اتر کر زمین اور اس پر رہنے والوں کو اپنے گھیرے میں لے لیں گے۔