سورة القلم - آیت 48

فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو تو اپنے رب کا انتظار کر اور مچھلی (ف 2) والے (یونس) کی طرح نہ ہو کہ جب اس نے دعا کی اور غصہ میں بھرا ہوا تھا۔

تفسیرتیسیرارحمٰن - محمد لقمان سلفی

(48) اس لئے اے میرے نبی ! آپ اپنی دعوت کے ساتھ آگے بڑھتے رہئے، ان کے کبر و عناد اور ان کی تکذیب کی پرواہ نہ کیجیے اور مچھلی والے یونس بن متی کی طرح نہ ہوجایئے جنہوں نے اپنی قوم کی اذیتوں سے تنگ آ کر صبر کا دامن چھوڑدیا تھا اور انہیں چھوڑ کر وہاں سے رخصت ہوگئے تھے اور جب مچھلی نے انہیں نگل لیا اور حزب و ملال سے ان کا دل بھر آیا۔