سورة القلم - آیت 47

أَمْ عِندَهُمُ الْغَيْبُ فَهُمْ يَكْتُبُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا ان کے پاس علم غیب ہے کہ وہ لکھتے ہیں۔

تفسیرتیسیرارحمٰن - محمد لقمان سلفی

(47)ایسی تو کوئی بات نہیں ہے یا لوح محفوظ ان کے سامنے کھلا پڑا ہے اور علم غیب سے سارے پردے ان کے لئے اٹھا دیئے گئے ہیں، جس سے استفادہ کر کے وہ خود ہی جان لیتے ہیں کہ اللہ کے نزدیک ان کا مقام اہل ایمان سے ارفع اور اعلیٰ ہے اور انہیں آپ پر نازل کردہ وحی اور دین کی ضرورت نہیں ے۔ ایسی بھی کوئی بات نہیں ہے۔