سورة الملك - آیت 6
وَلِلَّذِينَ كَفَرُوا بِرَبِّهِمْ عَذَابُ جَهَنَّمَ ۖ وَبِئْسَ الْمَصِيرُ
ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی
اور ان کے لئے جو اپنے رب کے منکر ہوئے جہنم کا عذاب ہے اور وہ بری ہے جگہ پھر جانے کی۔
تفسیرتیسیرارحمٰن - محمد لقمان سلفی
(6) اللہ تعالیٰ نے شیاطین کو مارنے کے لئے ستاروں سے پھوٹنے والے انگارے بنائے ہیں اور اللہ سے سرکشی اور اس کے بندوں کو گمراہ کرنے کے سبب آخرت میں انہیں آگ کا عذاب دیا جائے گا اور جو کفار دنیا میں ان کی پیروی کریں گے ان کے لئے بھی اللہ نے جہنم کا عذاب تیار کیا ہے اور جہنم بہت ہی برا ٹھکانا ہوگا جس میں جہنمیوں کو غایت درجہ ذلت و رسوائی کا سامنا کرنا پڑے گا۔