سورة التحريم - آیت 7

يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنتُمْ تَعْمَلُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اے کافرو آج کے دن کچھ عذر نہ کرو وہی بدلہ پاؤ گے جو تم کرتے تھے۔

تفسیرتیسیرارحمٰن - محمد لقمان سلفی

(7) قیامت کے دن اہل نار کی توبیخ کرتے ہوئے ان سے کہا جائے گا کہ اے کافرو ! اب تمہاری کوئی معذرت قبول نہیں، معذرت کرنے کا وقت دنیا میں تھا جو گذر گیا اور اب کبھی واپس نہیں آئے گا یہ تو قیامت کی گھڑی ہے جہاں بندوں کو ان کے اعمال کا بدلہ دیا جائے گا اور تم نے تو دنیا میں اللہ کا انکار کیا، اس کی آیتوں کو تکذیب کی اور اس کے رسولوں اور مؤمنوں کے خلاف جنگ کی، اس لئے تمہارا انجام معلوم ہے۔