سورة التغابن - آیت 10

وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ النَّارِ خَالِدِينَ فِيهَا ۖ وَبِئْسَ الْمَصِيرُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور جو کافر ہوئے انہوں نے ہماری آیتوں کو جھٹلایا ۔ وہی دوزخی ہیں اس میں ہمیشہ رہیں گے ۔ اور وہ بری جگہ ہے۔

تفسیرتیسیرارحمٰن - محمد لقمان سلفی

(10) آیت میں روز قیامت کافروں کی شقاوت و بدبختی کا سبب بیان کیا گیا ہے کہ جو لوگ دنیا میں کفر کی راہ اختیار کریں گے اور اللہ کی آیتوں کی کبر و عناد کی وجہ سے جھٹلائیں گے، آخرت میں ان کا ٹھکانہ جہنم ہوگا، جہاں وہ ہمیشہ رہیں گے اور وہ بہت ہی برا ٹھکانا ہوگا۔