سورة القمر - آیت 51

وَلَقَدْ أَهْلَكْنَا أَشْيَاعَكُمْ فَهَلْ مِن مُّدَّكِرٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ہم تمہارے ساتھ والوں کو ہلاک کرچکے ہیں سو کوئی نصیحت پکڑنے والا ہے۔

تفسیرتیسیرارحمٰن - محمد لقمان سلفی

(25) اللہ تعالیٰ نے کفار قریش سے کہا ہے کہ ہم نے ماضی میں تمہارے ہی جیسے کافروں کو ان کے جرائم کی وجہ سے ہلاک کردیا تھا۔ تو کیا تم میں کوئی ہے جو ان کے عبرتناک انجام سے نصیحت حاصل کرے اور وقت گذر جانے سے پہلے اپنی حالت بدل لے، گناہوں سے تائب ہوجائے اور اپنے معبود حقیقی کے سامنے سجدہ کے لئے سر جھکا دے۔